La Bigòrra atau plan com lo Bearn que conéishen un
bèth anar tà çò qui pertòca las seradas tradicionaus. Atau lo Celtic Pub de
Tarbes o lo Red Lion de Pau que perpausan un dimars cada mes ua serada
tradicionau on s’i pòt dançar e cantar.
A Vilhèra, au ras de Pau, quauques amorós de la
dança, en ligam dab l’associacion locau Tiss’lien, que vienen d’aviar ua navèra
iniciativa dens lo medish esperit. Lo tresau divés deu mes, dens la sala « Saint
Laurent », musicaires e dançaires que s’amassan a l’entorn d’un empont
ubèrt entà passar ua serada conviviau. Los organisators d’aquèras seradas que’vs
presentan tot çò qui cau sàber sus aquèra iniciativa.
Réécoutez ici votre émission Encontre - Tornatz escotar ací la vòsta emission Encontre
