L'Ostau Bearnés e Menestrèrs Gascons

Célia, la nosta correspondenta paulina qu'anè a l'encontre de duas associacions istoricas deu Bearn! L'Ostau Bearnés e Menestrèrs Gascons. Cadun que perpausa ua actualitat de las interessantas.

Silvan e Adelina, salariats de L'Ostau que'vs presentan la cantèra deus joens apitada per la lor associacion. Aqueste eveniment que's debana a Pau au Bar lo BIKINI.

Marie-Claude Hourdebaigt, sòcia de Menestrèrs Gascons, que'vs presenta lo bal mesclat qui's debanarà dissabte lo 25 de mai. La borrèia que serà a l'aunor e estagis peus quaus e's cau inscríver que' debanaràn tota la jornada.

 

 

 

 

HITILH, Album purmèr

Hitilh qu’ei un grop joen per’mor deus qui lo compausan mes qui tòca totun desempuish quauque temps jà.  Que perpausa ua musicau puslèu experimentau , un estil qui vad ua especialitat biarnesa ! L’aire qu’i ei pro escur a l’imatge de la definicion que balhan deu lor estil musicau a sàber lo « Dark Rock ». Hitilh que vien de sortir un album purmèr qui non serà pas sonque disponible « fisicament » qu’au començar de l’estiu.  Au micro de l’Aura Seguier (jornalista a la setmana), Becut un deus musicians que’ns presenta aqueste enregistrament en tot precisar lo lor estil musicau.

D'en Haut, lo CD prumèr!

D’en haut qu’ei un navèth grop emanant de l’esfèra « Familha artús ». Compausat de dus musicians, Pairbon e Tomàs Baudoin, que perpausan un apròchi originau deu repertòri gascon. Lo 15 de heurèr passat que sortín un Cd purmèr. Célia, que’vs perpausa de tornar viéner sus aquesta neutat dab un entervista hèit au parat de la caça aus concèrts qui’s debanè lo 07 de mars passat a l’universitat de Pau. Ua bona escadénça de descobrir aqueste navèth grop e quauques estrèits deu lor purmèr enregistrament.

Papà Gahús, Virolet, Lo CD purmèr

Papa Gahús que perpausa un rock gascon poderós en tot portar haut las colors e sustot l’esperit de la Bigòrra. Lo grop que vien de sortir lo son purmèr CD, lo virolet, ua vertadièra escaduda ! Sylvan (lo cantaire) e Jeròme (lo guitariste) que’ns presentan  aqueste mauhèit ! Que s’i parlarà de musica, de lenga, d’encontres, d’escambis  e de libertat….

Lo virolet, que son dètz titóls qui’vs haràn capejar dens la duas chivaus com un hòu ! Ua emission de mau mancar !

Lo que camina, lo navèth Guillaume Lopez

Divés passat, lo 15 de heurèr , Guillaume Lopez que balhè a l’Isla de Baish un concèrt entà marcar l’aviada deu son CD navèth : lo que camina.

Mei qu’un torn de cant qu’estò un vertadèr torn de magia qui’ns transportè dens un viatge hèit de lengas e de sonoritats numerosas que sian en Occitània, en Espanha, en Catalonha o en Mediteranea…

Lo que camina que torna préner ua partida d’aqueste espectacle. Guillaume que’ns hasó lo plaser de presentà-nse  la soa navèra creacion. Solide,que descobriratz quauques estrèits d’aquesta « caminada ».

"Quina mesclanha" lo CD navèth deus hardidets de Mazeròlas

Los hardidets qu'existéishen desempuish quasi quaranta ans. De tot biaish, de tant aimar cantar non saben pas exactament quan comencèn!

"Quina mesclanha", atau que s'apèra la lor navèra creacion. Jean-Noël, un deus cantaires qu'i ei quasi desempuish la debuta, que'ns presenta lo grop e plan segur çò que trobaratz dens aqueth CD.

Un encontre agradiu on poderatz escotar estrèits de l'enregistrament.

Joan Francés Tisnèr, Cd Navèth, Transpòrt Tisnèr SA

Au briu d'aqueste encontre que descobriratz plan segur lo cd mes sustot mei qu'aquò. Que s'i parlarà deu son perpaus musicau, deu son biaish de creacion o enqüera de la concepcion deu son espectacle.

Prenem "los Transpòrts Tisnèr SA" entà viatjar dens lo son monde musicau....

Un encontre de non pas mancar!